Eftir at vit hava virkað sum fríyrkis-skrivitulkar hjá Almannaverkinum í eina tíð, hava vit gjørt av, at bjóða tænastuna út.

Tey, ið hava hoyribrek, líða mangan undir, at tað ikki verður hugsað um tey, í nóg stóran mun, tá ið almenn ella stór tiltøk eru (ráðstevnur og líknandi). Hesum vilja vit fegin hjálpa tær við, so at tínir brúkarar/kundar fáa eina betri uppliving.

Skrivitulkar arbeiða ofta saman við teknmálstulkum og tó at málbólkarnir umskarast, so tørvar ikki øllum við niðursettari hoyrn teknmálstulk og har kemur skrivitulkurin inn. Skrivitulkurin skrivar kjarnuna í tí sum sagt verður, samstundis sum tað verður sagt.

Skrivitulkatænastan kann eisini nýtast til at teksta upptiknar fyrilestar ella líknandi.

Prísir og treytir fyri skrivitulking eru at finna her.

Tørvar tær skrivitulking, ber til at senda okkum ein t-post til info@translateme.net við frágreiðing um hvar og nær tiltakið er, so venda vit aftur sum skjótast.

Almannaverkið bjóðar eina framúrskarandi góða deyva- og skrivitulkatænastu. Øll kunnu søkja, men tað eru, natúrliga, kanska mest feløg og felagskapir innan tey við ymsum hoyribreki, sum brúka tænastuna. Heimasíðan hjá Tulking er her.